Date of publication: 12.01.2017 02:36
Date of changing: 12.01.2017 02:38

Маңғыстау облысы бойынша мемлекетік кірістер департаменті «Қазақстан Республикасының кейбір заңнамалық актілеріне салық салу және кедендік әкімшілендіру мәселелері бойынша өзгерістер мен толықтырулар енгізу туралы» Қазақстан Республикасы Заңымен (одан әрі - Заң) Салық және Кедендік кодекстеріне енгізілген өзгерістер мен толықтыруларға байланысты төмендегіні хабарлайды.

Салық кодексінің 134 бабы 2 тармағының бірінші бөлігіне өзгерістер мен толықтырулар енгізуге қатысты

«Қазақстан Республикасының кейбір заңнамалық актілеріне салық салу және кедендік әкімшілендіру мәселелері бойынша өзгерістер мен толықтырулар енгізу туралы» Қазақстан Республикасының 2016 жылғы 30 қарашадағы №26-VI Заңына сәйкес коммерциялық емес ұйымдардың салық салынбайтын табыстарына депозиттер бойынша сыйақылар мен көрсетілген басқа да табыстарынан басқа  оң бағамдық айырма сомасының теріс бағамдық сомасынан асып кету түріндегі табыстарды жатқызуды қарастыратын Салық кодексінің 134 бабы 2 тармағының бірінші бөлігіне түзетулер қабылданды. Аталған түзетуді енгізудің қажеттілігінің мәні коммерциялық емес ұйымдардың формасы мен қызметі өзгермей, оң бағамдық айырма депозиттер мен басқа да банктік шоттардағы ақшалай қаражаттың қайта бағалануынан туындауы мүмкіндігімен айқындалады. Сонымен қатар, мұндай табыстар депозиттер бойынша сыйақы тәріздес болып келеді.